7/12 उतारा म्हणजे काय? 7/12 उतारा कसा वाचावा?
प्रस्तावना
महाराष्ट्रात जमिनीचा मालकी हक्क, क्षेत्रफळ, लागवड व इतर महत्वाची माहिती जाणून घेण्यासाठी 7/12 उतारा (सात बारा उतारा) हा अत्यंत महत्वाचा महसुली दस्तऐवज आहे. शेतकरी, जमीन खरेदी-विक्री करणारे नागरिक, बँका व शासकीय कार्यालये 7/12 उताऱ्याचा मोठ्या प्रमाणावर वापर करतात.
या लेखात आपण 7/12 उतारा म्हणजे काय आणि 7/12 उताऱ्यातील प्रत्येक रकाना (Column) सोप्या मराठीत समजून घेणार आहोत.
7/12 उतारा म्हणजे काय?
7/12 उतारा हा महसूल नोंदणी दस्तऐवज असून तो गाव नमुना क्रमांक 7 आणि 12 एकत्र करून तयार केला जातो.
नमुना 7 – जमीनधारकांची माहिती
नमुना 12 – लागवड व पीक माहिती
👉 त्यामुळे याला 7/12 उतारा असे म्हणतात.
7/12 उताऱ्यातील रकाने (संपूर्ण माहिती)
1️⃣ जिल्हा, तालुका व गाव
या भागात संबंधित जमिनीचा:
जिल्हा
तालुका
गाव
नमूद केलेले असते.
2️⃣ भूमापन क्रमांक / गट क्रमांक
जमिनीचा Survey Number / Gat Number
हा नंबर जमिनीची स्वतंत्र ओळख दर्शवतो.
3️⃣ क्षेत्रफळ
जमिनीचे एकूण क्षेत्रफळ
हेक्टर-आर किंवा एकर-गुंठे मध्ये नमूद असते.
4️⃣ पोटखराब
लागवडीयोग्य नसलेली जमीन
उदा. नाला, रस्ता, दगडधोंडे, बांध इ.
5️⃣ जमीनधारकाचे नाव (खातेदार)
जमिनीच्या मालकाचे नाव
संयुक्त मालकी असल्यास सर्व नावांची नोंद
👉 महत्वाचा रकाना – मालकी हक्क यावरून ठरतो.
6️⃣ खाते नंबर
महसूल खात्याचा क्रमांक
सरकारी रेकॉर्ड साठी वापर
7️⃣ कसणाऱ्याचे नाव
जमीन प्रत्यक्ष कोण कसत आहे
मालक स्वतः किंवा भाडेकरू
8️⃣ लागवड केलेले पीक
खरीप / रब्बी / उन्हाळी पीक
उदा. ऊस, गहू, ज्वारी, कांदा इ.
9️⃣ पाणीपुरवठ्याचा स्रोत
विहीर
बोअरवेल
कालवा
पावसावर अवलंबून
🔟 जमिनीचा प्रकार
जिरायत
बागायत
पडीक
बिनसिंचित
1️⃣1️⃣ कर आकारणी
जमीन महसूल
इतर शासकीय कर
1️⃣2️⃣ इतर हक्क शेरा
हा अतिशय महत्वाचा रकाना आहे.
यामध्ये खालील नोंदी असू शकतात:
विहिरीत पाणी घेणेचा हिस्सा नोंद
बेकायदेशीर खरेदी-विक्री नोंद
गहाणखत
बि. क. वा.(बिगर कब्जेदार वारस)
सोसायटी इकरार बोजा
बँक कर्ज बोजा
शासनाची अट / बंधन
नियंत्रित सत्ता प्रकार
इत्यादी.
👉 जमीन खरेदीपूर्वी इतर हक्कातील शेरा नक्की वाचा.
⚠️ Disclaimer:
या ब्लॉगवरील माहिती ही केवळ सामान्य मार्गदर्शनासाठी दिलेली आहे.
हा ब्लॉग कोणत्याही शासकीय कार्यालयाशी किंवा विभागाशी संबंधित नाही.
7/12 उतारा, फेरफार किंवा महसुली बाबींसाठी संबंधित तलाठी, तहसील कार्यालय
किंवा अधिकृत शासकीय संकेतस्थळावरून खात्री करून घ्यावी.
टिप्पण्या
टिप्पणी पोस्ट करा